Logo

कोरोनाका कारण नेपाल भ्रमण वर्ष २०२० का सबै कार्यक्रम स्थगित


काठमाडौ- कोरोना भाइरस संक्रमणका कारण नेपाल भ्रमण वर्ष २०२० सम्बन्धी विदेशमा हुने सबै कार्यक्रम स्थगित गरिएको छ ।संस्कृति, पर्यटन तथा नागरिक उड्डयन मन्त्री योगेश भट्टराईले भ्रमण वर्ष-२०२० का सम्बन्धमा देशबाहिर भइरहेका सबै कार्यक्रम स्थगित गरिएको जानकारी दिएका छन्।

मन्त्री भट्टराईले कोरोना भाइरस संक्रमणका कारण विदेशमा भ्रमण वर्षको प्रचार-प्रसारसहित अन्य औपचारिक कार्यक्रमहरू स्थगन गरिएको बताए।

आज काठमाडौंमा आयोजित एक कार्यक्रममा मन्त्री भट्टराईले भ्रमण वर्ष-२०२० लाई आन्तरिक भ्रमण वर्षमा रुपान्तरण गर्ने कि भनेर सोचिरहेको पनि बताए। त्यसका लागि योजना बनाउने काम भइरहेको उनको भनाइ थियो।

कोरोनाको महामारी विश्वभर फैलिरहँदा अब आन्तरिक पर्यटनलाई नै प्रवर्द्धन गर्नुपर्ने भट्टराईको धारणा थियो। उनले चाँडै नै आन्तरिक पर्यटन प्रवर्द्धनका नयाँ प्याकेज आफ्नो मन्त्रालयले सार्वजनिक गर्ने पनि बताए।

प्रकाशित मिति : शनिबार, १७ फाल्गुन २०७६ १५:४७

Archives

प्रतिक्रिया दिनुहोस्