सोलुदुधकुण्ड नगरपालिकाद्वारा एसईईमा उत्कृष्ट नतिजा ल्याउने विध्यार्थीहरुलाई नगद राशीसहित पुरस्कृत
सोलुखुम्बु/ सोलुदुधकुण्ड नगरपालिकाले एसईईमा उत्कृष्ट नतिजा ल्याउन सफल विध्यार्थीहरुलाई नगद राशीसहित पुरस्कृत गरेको छ । आइतबार सम्पन्न चौधौ नगरसभा समारोहकाबीच नगर प्रमुख नाम्गेल जाङ्बु शेर्पाले सो पुरस्कार प्रदान गर्नुभएको हो ।
एसईईमा ३.७२ जीपीए ल्याएर नगर प्रथम हुने गार्मा मा. विका बिधार्थी फिन्जु शेर्पालाई नगद रू. ५० हजार र प्रमाणपत्रले पुरस्कृत गरिएको छ ।
त्यस्तै ३.६६ जीपीए ल्याउन सफल भई दोश्रो हुने चागेस्थान मा. वि.की स्वीकृति कार्कीलाई नगद रू. ४० हजार र प्रमाणपत्र तथा ३.६१ जीपीए ल्याएर तेस्रो हुने टाक्सिन्दु मा. वि का कुन्साङ नुर्बु तामाङलाई नगद रू. ३० हजार र प्रमाणपत्र प्रदान गरिएको छ ।
नगरपालिकाले जिल्ला प्रथम हुने नगर क्षेत्रका विद्यालयलाई रू. ५ लाख पुरूस्कारको ब्यावस्थ गरिएको छ । गत बर्षको एसईईमा सोलुदुधकुण्ड नगरपालिकाको गार्मा म. वि.ले जिल्ला प्रथम भएर सो पुरस्कार प्राप्त गरेको थियो ।
