एनएमए अध्यक्षका लागि दुई गुरुङको उम्मेद्धारी घोषणा, पाण्डेको फेसबुकबाटै दाबी
काठमाडौं, ९ श्रावन । नेपाल पर्वतारोहण संघ (एनएमए)को आसन्न निर्वाचनका लागि कुलबहादुर गुरुङको उम्मेदवारी घोषणा भएको छ । नेपाली कांगे्रस निकट पर्यटन व्यवसायीहरुको संगठन नेपाल लोकतान्त्रिक पर्यटन व्यवसायी संघले शुक्रबार गुरुङ नेतृत्वमा चुनावमा जाने औपचारिक घोषणा गरेको हो ।
एनएमएका पूर्व महासचिवसमेत रहनुभएका कुलबहादुर गुरुङ पर्यटन क्षेत्रमा चर्चित नाम हो । गुरुङ सफल यूवा व्यवसायीमात्रै नभएर एकेडेमिक व्यक्तित्व हुन् । एनएमएको नेतृत्वमा उनको उपस्थितिले पर्वतीय पर्यटन क्षेत्रको नीतिगत सुधारसँगै व्यवसायिक तथा पेशागत हकअधिकार सुनिश्चिततामा मद्दत पुग्ने विश्वास उनी पक्षका व्यवसायीहरुको छ ।
यता एमाले निकट नेपाल राष्ट्रिय पर्यटन व्यवसायी संगठनले भने टिकाराम गुरुङलाई अध्यक्षको उम्मेद्धार बनाउने यसअघि घोषणा गरिसकेको छ । उनी एनएमएको पूर्वसचिव तथा सगरमाथा आरोहीसमेत हुन् ।
एनएमएका वर्तमान वरिष्ठ उपाध्यक्ष ठाकुरराज पाण्डेले सामाजिक सञ्जाल फेसबुकमार्फत अध्यक्ष पदका लागि उम्मेद्धार बन्ने घोषणा गरेका छन् । तर, संस्थागत रुपमा उनको उम्मेद्धारी घोषणा बाँकी छ । पाण्डे माओवादी केन्द्र निकट नेपाल पर्यटन व्यवसायी संगठनसम्बद्ध व्यवसायी हुन् ।
बाहेक अरुले पनि उम्मेद्धारी दिन सक्नेछ । माओवादी केन्द्र, रास्वपा, एसनिकट व्यवसायिक संगठनहरुले भने पर्ख र हेरको नीति लिएका छन् । उपयुक्त परिस्थिति हेरेर निर्णय लिने दाउँ उनीहरुको रहेको बुझिन्छ ।
पर्यटन क्षेत्रको यसअघिको निर्वाचन अभ्यास हेर्दा कुनै न कुनै टिमसँग गठबन्धन गरेर आफु र आफ्नो टिमलाई चुनाव जिताउन कोशिस गरेको पाइन्छ । त्यसोत, एनएमएको आगामी निर्वाचनमा पनि गठबन्धनको अभ्यास दोहोरिने सम्भावना पनि प्रवल छ । सम्बद्ध संगठनहरुले वार्ता तथा संवाद समिति भनेर गठन गर्नुले यसलाई पुष्टि गर्दछ ।
एनएमएले आगामी २०८२ साल भदौं ७ (२३ अगष्ट २०२५०) मासाधारण सभासँगै नयाँ नेतृत्वका लागि निर्वाचन मिति तय गरेको छ ।
