काठमाडौं । नेपाल पर्वतारोहण संघ (एनएमए)को आसन्न निर्वाचनका लागि उम्मेदवारी घोषणा गरेका वरिष्ठ पर्यटन व्यवसायी फुर्वा ग्याल्जेन शेर्पाको टिमलाई सशक्त बनाउनका वार्ता समिति गठन गरिएको छ । फुरी जि शेर्पाको संयोजकत्वमा सात सदस्यीय वार्ता समिति गठन गरिएको हो ।
सो समितिको सहसंयोजकमा सोनाम जि शेर्पा रहेका छन् भने सदस्यमा नवीन त्रिताल, चोलेन्द्र बहादुर कार्की, जिवन घिमिरे, माया शेर्पा र चेङ्गा छिरी शेर्पा सदस्य रहेका छन्।
समितिले निर्वाचनमा शेर्पाको नेतृत्वलाई सुनिश्चित गराउन आवश्यक समन्वय, संवाद र समर्थन जुटाउने म्याण्डेट पाएको छ ।
वार्ता समितिले सबै सरोकारवाला, पर्यटन व्यवसायी, संघसंस्था र शुभेच्छुकहरूलाई आगामी निर्वाचनमा सहयोग, समर्थन र सहकार्य गर्न आग्रह गरेको छ।
शेर्पा विगत तीन दशकभन्दा बढी समयदेखि हिमाली पर्यटन, पर्वतारोहण, पर्यटक सेवा प्रवर्द्धन लगायतका क्षेत्रमा सक्रिय रहँदै आएका अनुभवी व्यवसायी हुन् ।
सबै पर्यटन व्यवसायी, संघसंस्था तथा सरोकारवालाहरूसँग आजैदेखि प्रभावकारी छलफल तथा सहकार्य गरेर अघि बढ्ने समितिका सहसंयोजक सोनाम जि शेर्पाले बताए ।
