टुपेनको ‘प्रकृतिको उपहार’ सार्वजनिक
काठमाण्डौँ – सोलुखुम्बु नेचासल्यानका टुपेन मगरले माटोको गीत सार्वजनिक गरेका छन् । ‘प्रकृतिको उपहार’बोलको गीतमा टुपेनको गीतमा नेचाकै अग्रज संगीतकार जसिहाङ राईले संगीत गरेका छन् । गीतमा राजेश पायल राई र मेलिना राईको स्वर सुन्न सकिन्छ ।
कोरस गायनमा मुना राई, सुस्मा राई, मनिसा राई, मिलन राई, मन राई र जसिहाङ राईले साथ दिएका छन् । पवन वाङ लामाले एरेन्ज गरेका छन् ।
ए वान म्यूजिसियन स्टुडियोमा रेकर्ड गीतमा मिक्सिङ र मास्टरिङ किशोर थापाले गरेका छन् । गीतमा नेचासल्यान गाउँको सुन्दरता र संभावनाको वर्णन गरिएको छ ।
गाउँले इन्टरटेनमेन्ट यूटुव च्यानलबाट लिरिकल भिडियो सार्वजनिक गरिएको छ । सम्पादन गंगाराम राईले गरेका छन् ।
