यहि पुस १५ गते ‘न्यू इयर इभ ठमेल सडक महोत्सव’ हुँदै
ठमेल पर्यटन विकास परिषदको आयोजनामा आगामी सन् २०२३ को डिसेम्बर ३१ (पुस १५) आइतबार साँझ सञ्चयकोष अगाडि विविध कार्यक्रम गरी सडक महोत्सव गर्न लागिएको हो ।
महोत्सवको उद्घाटन उपप्रधानमन्त्री तथा रक्षा मन्त्री पूर्णबहादुर खड्काले गर्नेछन् । महोत्सवमा १ लाख ८० हजार बढी स्वदेशी तथा विदेशी पर्यटकले अवलोकन गर्ने शुक्रबार आयोजित पत्रकार सम्मेलनमा परिषदका अध्यक्ष भविश्वर शर्माले जानकारी दिए ।
उनका अनुसार महोत्सव आइतबार साँझ साढे ५ देखि सुरू भएर साढे १२ बजे समापन हुनेछ ।
ठमेललाई राष्ट्रिय तथा अन्तर्राष्ट्रिय स्तरमा चिनाउने माध्यमको रुपमा पनि महोत्सव आयोजना गरिएको अध्यक्ष शर्माको भनाई छ । सो दिन व्यवसायीले आफ्ना वस्तु तथा सेवाको प्रवर्द्धन गर्न पाउनेछन्।
उनका अनुसार महोत्सवमा धिमे बाजा, लाखे नाँच तथा अन्य मौलिक सांस्कृतिक कार्यक्रम हुनेछ।
महोत्सवलाई लक्षित गरी सुरक्षा व्यवस्थाका लागि काठमाडौं महानगर प्रहरी र नेपाल प्रहरीसँग समन्वय गरिएको जानकारीसमेत उनले दिए ।
