माउन्टेन ट्रेल रेसको दौडमा खोटाङका प्रिया राई प्रथम
सोलुखुम्बु । सिन्धुपाल्चोकको भोटेकोशी गाउँपालिकामा चौथो लिस्तिकोट दुगुनागढी माउन्टेन ट्रेल रेसको दौडमा खोटाङका प्रिया राई प्रथम हुनुभएको छ । रेस नेपाल आर्मी ईन्द्रध्वज गण तथा भोटेकोशी गाउँपालिकाको आयोजनामा शनिवार भएको माउन्टेन ट्रेल रेसको २४.५ किलोमिटर दौडमा २ घण्टा ५७ मिनेटमा दौड पूरा गर्दै ऐसेलुखर्क गाउँपलिका २ बाकाचोलका राई प्रथम हुनुभएको हो ।
अघिल्लो वर्षको रेस उपाधि समेत अन्तर्राष्ट्रिय अल्ट्रा धाविका राईले हात पार्नुभएको थियो । यस वर्ष २४.५ किलोमिटर दुरी २ घण्टा ५७ मिनेटमा पार गर्दै धाविका राईले ६० हजार रुपैयाँ पुरस्कार प्राप्त गर्नुभएको छ ।
नेपालमा आयोजना हुने रेसको उपाधि विजेता हासिल गर्दै आउनुभएका राईले अन्य देशहरूमा नेपालको प्रतिनिधित्व गर्दै पदक समेत दिलाउँदै आउनुभएको छ । दुई वर्षदेखि भोटेकोसी गाउँपालिका र गोरख बक्स गणले ट्रेल रेस आयोजना गर्दै आएको छ ।
