युवा पर्यटन व्यवसायी लामाद्वारा कोरोनाविरूद्धको कोषमा एक लाख दिने घोषणा
काठमाडौं । युवा पर्यटन व्यवसायी तथा नेपाल भ्रमण वर्ष २०२० को बागमती प्रदेश संयोजक अनिल लामाले कोरोना नियन्त्रणका लागि सरकारले स्थापना गरेको कोषमा एक लाख दिने घोषणा गरेका छन् ।
सरकारले छुट्टै कोष खडा गरेर नियन्त्रणको पहलकदमी लिएसँगै लामाले एक लाख रूपैयाँ कोषमा जम्मा गर्ने बताएका हुन् ।
सरकारले लिएको अभियानलाई सफल पार्नका लागि सबैले सहयोग गर्नुपर्ने आवश्यकता महसुस गरेर आफुले यो सहयोग गर्ने घोषणा गरेको उनले बताए ।
