कांग्रेस १४ औ महाधिबेशन: सोलुखुम्बुबाट कोइराला पक्षका केसी र देउबा पक्षका शेर्पा केन्द्रीय सदस्यमा बिजयी
काठमाण्डौँ । नेपाली कांग्रेसको १४ औ महाधिबेशनअन्तर्गत भएको निर्वाचनमा सोलुखुम्बुका आङगेलु शेर्पा केन्द्रीय सदस्यमा विजयी भएका छन् । जनजाति क्लष्टरबाट उम्मेदवार बनेका शेर्पाले १८९६ मत ल्याएर केन्द्रीय सदस्यमा विजयी भएका हुन् । उनले सभापति शेरबहादुर देउबा प्यानलबाट उम्मेद्बारी दिएका थिए ।
यसअघि सोलुखुम्बुबाटै बलबहादुर केसी पनि कांग्रेस केन्द्रीय सदस्यमा निर्वाचित भइसकेका छन् । उनी खुला तर्फ उम्मेदवार बनेका थिए । शेर्पा र केसीको जितसँगै सोलुखुम्बुबाट कांग्रेस केन्द्रीय समितिमा शेरबहादुर देउबा र शेखर कोइराला दुइटै पक्षको प्रतिनिधित्व भएको छ ।
१४औ महाधिबेशन अघिसम्म केसीले एकछत्र पार्टी केन्द्रमा प्रतिनिधित्व गर्दै आएका थिए ।
