सोलुदुधकुण्ड नगरपालिकाको काठमाडौं शिविरबाट ५ हजार ३३५ जनाले लिए सेवा
सोलुखुम्बु । सोलुदुधकुण्ड नगरपालिकाले काठमाडौंमा चार दिने एकीकृत सेवा शिविर-२०८२ प्रभाबकारी रुपमा सम्पन्न गरेको छ। साउन ११ गतेदेखि सञ्चालित उक्त शिविरबाट ५ हजार ३३५ जनाले सेवा लिएका छन् ।
शिविरमा नगरपालिकाका विभिन्न शाखा तथा वडाहरूको समन्वयमा नागरिकता, जन्म दर्ता, विवाह दर्ता, बसोबास, सिफारिस, प्रमाणित लगायतका सेवा प्रदान गरिएको थियो ।
नगरपालिकाको यो शिविरले सबैलाई राम्रो गरेको लाभग्राहीहरुको प्रतिक्रिया छ । नगरप्रमुख नाम्गेल जाङ्बु शेर्पाले विभिन्न शिलशिलामा राजधानी बसोबास गर्ने नगरपालिकाबासीहरुको आवश्यकतालाई ध्यानमा राखेर शिविर सञ्चालन गरिएको भन्दै आगामी दिनमा पनि यस्ता कार्यक्रमलाई निरन्तरता दिने प्रतिबद्धता जनाउनुभयो ।
शिविरबाट राजस्ववापत मात्रै रु. १३ लाख ३५ हजार ५७६ संकलन भएको जनाइएको छ।
यसैबीच, नगरप्रमुख शेर्पाले एक विज्ञप्तिमार्फत शिविरका लागि खट्ने जनप्रतिनिधि, कर्मचारी, स्वयंसेवकहरुलाई धन्यवाद दिनुभयो ।
