नेपाल पर्वतारोहण संघमा सत्ता गठबन्धन पराजित, माओवादी-रास्वपाका शेर्पा प्यानल विजयी
नेपाल पर्वतारोहण संघ (एनएमए)को अध्यक्षमा फुर गेल्जे शेर्पा भारी मतसहित निर्वाचित भएका छन् ।
शेर्पाले कुलबहादुर गुरुङलाई ५४ मतले पराजित गरेका हुन् । सत्ता गठबन्धनमा रहेका कांग्रेस र एमालेनिकट पर्यटन व्यवसायीहरूले गुरुङलाई उम्मेदवार बनाएका थिए । नेकपा (माओवादी केन्द्र) र राष्ट्रिय स्वतन्त्र पार्टी (रास्वपा), कांग्निरेस र एमाले निकट विद्रोही पर्यटन व्यवसायीहरूले शेर्पालाई साथ दिएका थिए ।
सत्ता गठबन्धनको समूहलाई पराजित गर्दै शेर्पा समूह निर्वाचित भएको हो । शेर्पाले ३४२ मत ल्याएका छन् भने गुरुङले २८८ मत ल्याएका छन् ।
त्यसैगरी, वरिष्ठ उपाध्यक्षदेखि महासचिव पनि शेर्पा समूहबाटै निर्वाचित भएका छन् । कोषाध्यक्षमा पनि बराबरी मत आएको छ । उनीहरूले कार्यकाल आधाआधा गर्ने सहमति भएको छ । वरिष्ठ उपाध्यक्षमा शेर्पा समूहमा ईश्वर पौडेलले ३४५ मत ल्याएका छन् भने उनका प्रतिस्पधाईले २५८ मत ल्याएका छन् ।
प्रथम उपाध्यक्षमा मिङ्मा ग्याबो शेर्पाले ३५९ ल्याएका छन् । उनका प्रतिस्पर्धी काजी शेर्पाले २५६ द्धितीय उपाध्यक्षमा बोध राज भण्डारीले ३६८ मत ल्याएका छन् भने उनका प्रतिस्पर्धा धन बहादुर गुरुङले २३८ ल्याएका छन् ।
त्यसैगरी, महासचिवमा राजेन्द्रबहादुर लामा निर्वाचित भएका छन् । उनले ३१८ मत ल्याएका छन् भने उनका प्रतिस्पर्धी विमल नहर्कीले २०९ र अर्का प्रतिस्पर्धी शिव सापकोटाले ६८ मत ल्याएका छन् ।
सचिवमा चन्दन थापाले ३५८ र उनका प्रतिस्पर्धी ङिमा दिकी शेर्पाले २४४ मत ल्याएकी छिन् । कोषाध्यक्षमा भने ङिमा नुर्बु शेर्पा र सुमी लामाले बराबारी ३०४ मत ल्याएका हुन् ।
सदस्यमा माधवकुमार धमलाले २७८, केदार न्यौपानेले ३०२, थुप्देन शेर्पाले ३२६, गोकुल थापाले २८८, मुलाल गुरुङले ३५१, देण्डी शेर्पाले ३११, विक्रम कार्कीले ३०६, रिञ्जे शेर्पाले ३०१, देवेन्द्र डंगोलले २९५, दिकी शेर्पाले २८८ र निशा भोटेले ३०७ ल्याएर निर्वाचित भएका छन् ।
