नेपाल बैंकर्स एसोसिएसन सोलुखुम्बु गठन, सुवेदीको अध्यक्षतामा १५ सदस्यीय कार्यसमिति
सोलुखुम्बु, साउन ९ । नेपाल बैंकर्स एसोसिएसन सोलुखुम्बु गठन गरिएको छ । शुक्रबार सल्लेरीमा आयोजित भेलाले एसोसिएसनलाई औपचारिकता दिँदै चुडाराज सुवेदीको अध्यक्षतामा १५ सदस्यीय कार्यसमितिसमेत चयन गरेको छ ।
नयाँ कार्यसमितिको वरिष्ठ उपाध्यक्षमा अमन बोगटी, उपाध्यक्षहरुमा बिमल राई र दोर्ण बास्तोला, सचिवमा रबिन श्रेष्ठ, कोषाध्यक्षमा शारदा माया तामाङ, सह-सचिवमा भोजराज ढकाल सर्वसम्मत चयन भएका छन् । त्यस्तै सदस्यमा शोभित पोखरेल, बिश्वनाथ राई, दिनेश ढकाल, जिवन चौधरी, हिरामाया तामाङ, प्रेम बहादुर लामिछाने, मनकुमारी बास्तोला, मिङमार गेल्बु शेर्पा रहेका छन् ।
सोही भेलाले सुमन चापागाईंको संयोजकत्वमा सल्लाहकार समिति पनि गठन गरेको छ । सल्लाहकार समितिको सदस्यमा छत्रकुमारी लिम्बु, सुरज श्रेष्ठ, गोपाल धमला रहेका छन् ।
भेलामा जिल्लामा रहेका विभिन्न बैंक, वित्तीय संस्था, लघुवित्त तथा इन्स्योरेन्स कम्पनीका ५० भन्दा बढी कर्मचारीहरूको उपस्थिति रहेको थियो । एसोसिएसनले बैंकिङ्ग क्षेत्रमा कार्यरत कर्मचारीहरूको हकहित, संस्थागत समन्वय, सामाजिक उत्तरदायित्व तथा पेशागत समृद्धिमा केन्द्रित कार्यक्रमहरू सञ्चालन गर्ने उद्देश्य लिएको छ ।
संस्थाका अध्यक्ष चुडाराज सुवेदीले नवगठित एसोसिएसन सोलुखुम्बुको नेतृत्व सम्हाल्दै कर्मचारीबीच ऐक्यबद्धता, आत्मबल र आत्मसम्मान अभिवृद्धि गर्ने कार्यमा आफू निरन्तर लाग्ने प्रतिबद्धता जनाए ।
