आठ भारतीय पर्यटकको मृत्युपछि पानोरमा रिसोर्ट बन्द
काठमाडौं । आठ जना भारतीय पर्यटकको बेहोस भई मृत्यु भएको मकवानपुर थाहा नगरपालिका-४ सिमभन्ज्याङको एभरेष्ट पानोरमा रिसोर्ट बन्द भएको छ।
संस्कृत, पर्यटन तथा नागरिक उड्डयन मन्त्रालयले ३ महिनाका लागि रिसोर्टलाई बन्द गर्ने निर्णय गरेको हो।
निलम्बनमा परेसँगै पानोरमाले ३ महिनासम्म होटल, रिसोर्ट तथा बार सञ्चालन गर्न पाउने छैन ।
साथै निलम्बन अवधि पश्चात होटलको वर्गीकरण तथा मापदण्ड र प्रचलित वातावरण संरक्षण ऐन तथा नियमावली बमोजिम प्रारम्भिक वातावरणीय परीक्षण/वातावरण प्रभाव मूल्यांकन सम्पन्न गराइ अनुमति लिएर मात्रै संचालन गर्न विभागले निर्देशन दिएको छ ।
