पशुपति क्षेत्र विकास कोषका १ सयभन्दा धेरै सल्लाहकार खारेज
काठमाडौं । पशुपति क्षेत्र विकास कोषमा विभिन्न समयमा नियुक्त भएका सल्लाहकारहरु खारेज गरिएको छ ।
कोषको बुधबार बसेको कोषको परिषद बैठकले यस्तो निर्णय गरेको विकास कोषका अध्यक्ष तथा संस्कृति, पर्यटन तथा नागरिक उड्डयनमन्त्री सुदन किरातीको सचिवालयले जनाएको छ ।
बैठकले विभिन्न समयमा नियुक्त गरिएका पशुपति क्षेत्र विकास कोषका सल्लाहकारहरु खारेज गर्ने निर्णय गरेको बताइएको छ ।
राज संस्थाको पालादेखि हालसम्म विभिन्न समयमा नियुक्त गरिएका १ सय बढी सल्लाहकार खारेज गरिको मन्त्री किरातीको सचिवालयले जनाएको छ ।
परिषद् बैठकले पशुपति क्षेत्र परिषद्मा मदिरा बिक्री वितरण समेत बन्देज गर्ने निर्णय गरेको छ ।
बैठकले पशुपति दर्शन तथा अवलोकनमा आउने दर्शनार्थी र पर्यटकहरुको सुरक्षाका लागि सुरक्षा पोष्टहरु निर्मान गर्ने समेत निर्णय गरेको छ ।
