दिनेश तामाङ यूआईएएको ‘एक्स्पीडिसन डब्लु जी कमिसन’ सदस्यमा मनोनित
काठमाडौं । नेपाल पर्वतारोहण संघ (एनएमए)का कार्यसमिति सदस्य दिनेश तामाङ यूआईएएको ‘एक्स्पीडिसन डब्लु जी कमिसन’ सदस्यमा मनोनित भएका छन् । विश्वभरीका सयभन्दा धेरै सदस्य रहेको उक्त अल्पाइन क्लबको पूर्णकालीन सदस्यको रुपमा तामाङ मनोनित भएका हुन् ।
उनको मनोनित नियुक्तिले नेपालको पर्वतारोहण क्षेत्रको प्रवर्धनमा सहयोग पुग्ने अपेक्षा गरिएको छ । एक सयभन्दा बढ़ी देशहरुको अल्पाईन क्लबहरुको अन्तराष्ट्रिय साझा सङ्स्थाको पूर्णकालीन सदस्यको रूपमा नेपालको प्रतिनिधिको रूपमा मनोनित हुन पाएकोमा आफू भाग्यमानी ठानेको उनले प्रतिकृया दिए ।
उक्त ठाउँसम्म पुर्याउनका लागि सहयोग गर्नुहुने सबै देशका प्रतिनिधिलाई उनले धन्यवाद ज्ञापनसमेत गरेका छन् । उनले आफ्नो कार्यकालमा नेपालको पर्यटन तथा पर्वतारोहणको बारेमा विश्व सामू चिनाउन प्रवर्धनमुखी कार्यक्रम तथा प्रचारप्रसार गर्ने बताएका छन् ।
