खुम्बुमा बसपार्क शिलान्यास, बसपार्क निर्माणका लागि ४० लाख
खरिखोला । खुम्बु पासाङल्हामु गाउँपालिकाको खरिखोलामा बसपार्क शिलान्यास गरिएको छ । मंगलबार खुम्बु पासाङल्हामु गाउँपालिकाको वडा नम्बर १ खरिखोलामा आयोजित एक कार्यक्रममा गाउँपालिकाका कार्यवाहक अध्यक्ष एवं प्रवक्ता ल्हाक्पा छिरी शेर्पाले खरिखोला बस पार्कको शिलान्यास गर्नुभएको हो ।
गाउँपालिकाको १० रोपनी जग्गामा निर्माण हुने बसपार्क निर्माणको ठेक्का खुम्बिला कन्स्ट्रक्सनले पाएको छ । बसपार्क निर्माणका लागि गाउँपालिकाले ४० लाख रुपैयाँ बिनियोजन गरि ठेक्का आव्हान गरेकोमा खुम्बिला कन्स्ट्रक्सनले ४७ प्रतिशत कम लागत मुल्यमा काम गर्ने गरि ठेक्का सम्झौता गरेको गाउँपालिकाले जनाएको छ ।
खुम्बु पासाङल्हामु गाउँपालिकाको केन्द्रसम्म सडक सञ्जाल जोड्ने गरि हाल सडक खन्ने काम जारी रहेको छ ।
