प्रतिनिधिसभा बैठकमा सभामुखले पक्षपात गरेको रवि लामिछानेको आरोप
काठमाडौं । राष्ट्रिय स्वतन्त्र पार्टीका सभापति रवि लामिछानेले प्रतिनिधिसभा बैठकमा सभामुखले पक्षपाति व्यवहार देखाएको आरोप लगाएका छन् ।
सोमबार सदन अवरुद्ध भएपछि संसद भवनमा सञ्चारकर्मीसँग कुरा गर्दै लामिछानेले सभामुखले आफू अनुकूल सदन सञ्चालन गरेको आरोप लगाएका हुन् ।
‘सभामुखको कुर्सीमा बसेपछि व्यवहार, क्रियाकलापले दलको बन्न पाइन्न’, रविको टिप्पणी छ ।
नियोजितरूपमा सदन हाइज्याक गरेर जनताका आवाज उठान गर्न नसकिएको उनले बताए । लगातार सदन अवरुद्ध गरिरहेको अवस्थामा सभामुखले छानीछानी सांसदलाई बोल्न दिएको र अरु दलका सांसदहरूले बोल्न खोज्दा अन्तै मोडिएको जिकिर गरे ।
बन्द कोठामा सहमति गरेर नै रास्वपाका सांसदलाई बोल्न नदिएको भान भएको रविको दाबी छ ।
