सोलुको बेरुजु झण्डै साढे ३० करोड, सबैभन्दा बढी सोताङ र सबभन्दा कम बेरुजु महाकुलुङ गाउँपालिकाको !
Photo file
प्रतिबेदन अनुसार जिल्लाका आठ वटा स्थानीय तह मध्ये सबैभन्दा बढी प्रतिशतका हिसाबले सोताङ गाउँपालिकाको ९.८३ प्रतिशत र सबै भन्दा कम महाकुलुङ गाउँपालिकाको २.४५ प्रतिशत रहेको छ ।
महाकुलुङ गाउँपालिकामा ५८ करोड ५१ लाख ९८ हजारको लेखापरिक्षण गर्दा १ करोड ४३ लाख १९ हजार बेरुजु देखिएको छ भने सोताङ गाउँपालिकामा ६२ करोड ९० लाख २७ हजारको लेखापरिक्षण गर्दा ६ करोड ७६ लाख ३६ हजार बेरुजु देखिएको प्रतिवेदनमा उल्लेख गरिएको छ ।
माप्य दुधकोशी गाउँपालिकामा ७२ करोड ४० लाख ६५ हजारको लेखा परीक्षणमा ३ करोड ४५ लाख ६६ हजार बेरुजु देखिएको छ । लिखुपिके गाउँपालिकामा ४३ करोड ६३ लाख ८६ हजारको लेखापरिक्षण गर्दा १ करोड ६० लाख बेरुजु देखिएको हो ।
यस्तै, नेचासल्यान गाउँपालिकामा ८२ करोड १५ लाख ४१ हजारको लेखापरिक्षण गर्दा ४ करोड ५१ लाख ९९ हजार बेरुजु देखिएको प्रतिवेदनमा उल्लेख गरिएको छ ।
जिल्लाको एक मात्र नगरपालिका सोलु दुधकुण्ड नगरपालिकामा १ अर्ब ३५ करोड ४९ लाख ७७ हजारको लेखा परिक्षण गर्दा ३ करोड ३६ लाख ४ हजार बेरुजु देखिएको छ भने थुलुङ दुधकोशी गाउँपालिकामा १ अर्ब ९ करोड ४९ लाख ७७ हजारको लेखापरिक्षण गर्दा ४ करोड १७ लाख ७७ हजार बेरुजु देखिएको छ ।
यस्तै खुम्बु पासाङ ल्हामु गाउँपालिकामा ८० करोड ८० लाख ९५ हजारको लेखापरिक्षण गर्दा ५ करोड ६६ लाख ८६ हजार बेरुजु देखिएको प्रतिवेदनमा उल्लेख गरिएको छ ।
