एमाले सोलुखुम्बु जिल्लाको ८औं अधिबेशन चैत २३ र २४ मा, उपाध्यक्ष बादलले उद्घाटन गर्ने
सोलुखुम्बु । नेकपा (एमाले) सोलुखुम्बु जिल्ला कमिटीको ८औं अधिबेशन यही चैत २३ र २४ गते सल्लेरीमा हुने भएको छ । उक्त अधिबेशनका लागि जिल्लाका ८ वटै स्थानीय तहका ५२ वटै वडामा बिहिवार एकै दिन प्रतिनिधि चयन गर्ने भएको छ।
प्रतिनिधि छनोटका लागि निश्चित मापदण्ड तोकिएको छ । उत्पीडित जातिको हकमा १ बराबर १,महिलाको हकमा २ बराबर १ र खुल्ला तर्फ संगठित सदस्य संख्याका आधारमा ४ बराबर १ जना प्रतिनिधि चयन गर्नुपर्ने मापदण्ड तोकिएको जनाइएको छ ।
अधिबेशनको तयारी तीब्र भइरहेको र पार्टी उपाध्यक्ष रामबहादुर थापा (बादल)ले उद्घाटन गर्ने कार्यक्रम तय भएको एमाले सोलुखुम्बु ८ औं जिल्ला अधिबेशन मूल आयोजक कमिटीका संयोजक डुफकुमार बास्तोलाले जानकारी दिए ।
उनकाअनुसार स्थानीय कमिटीबाट छनौट हुने प्रतिनिधि ,आयोजक कमिटीका १ सय आठ जना, जनसंगठनहरुबाट २८ जना,सम्पर्क मञ्चबाट ७ जना र जिल्ला सल्लाहकार परिषदबाट ७ जना प्रतिनिधि अधिबेशनमा सहभागी हुनेछन् ।
