एनएमए महासचिव पदमा उम्मेद्वारी दिने एनजीको घोषणा
काठमाडौं, ९ श्रावन । नेपाल पर्वतारोहण संघ (एनएमए)को आसन्न निर्वाचनका लागि महासचिव पदमा सफल पर्यटन व्यवसायी नमराज गौली (एनजी)ले उम्मेद्धारी घोषणा गरेका छन् । आगामी २०८२ साल भदौं ७ (२३ अगष्ट २०२५० मा सम्पन्न हुन लागेको निर्वाचनमा महासचिव पदमा उम्मेद्धारी दिने घोषणा उनले गरेका हुन् ।
‘यहाँहरुको माया र सदभावको पूर्ण अपेक्षा साथ आगामी निर्वाचनमा महासचिव पदमा उम्मेद्धारी दिने घोषणा गर्दछु’ गौलीले फेसबुकमा लेखेका छन् । एनएमए वर्तमान कार्यसमितिको सदस्यसमेत रहेका उनले यसअघि टानलगायतका पर्यटकीय संघसंस्थामा विभिन्न जिम्मेवारीमा रहेर काम गरिसकेका छन् । गौली आउट फिटर टेक्स एण्ड एक्स्पीडिशनका प्रबन्ध निर्देशक हुन् ।
